Li Grognon

[Maisse Arsouye]

Qué pinsoz do Grognon ?

Po lès céns qui conèchenut nén Nameûr, li Grognon c'èst awou Sambe s'èva rabraissi Moûse. C'èst vélà qui gn'a li Walon Parlèmint. Nos minisses èt nos députés vorén' bén fé on novia parlèmint. Mins lès Namurwès vorén' bén rawè li Grognon por zèls !

C'n'èst nén aujî ! Lès Namurwès voulenut d'meurer mâisse di leû vile. Mins i faut ossi tûzer qui Nameûr èst li maîsse-vile di Walonîye.

[Poyon]

I'n a kwazi li min.me problin.me à Lîdje aavou "l'Ilôt Tivoli", inte li plèce Saint Lambert et li plèce di Martchî. Les lôdjwès vôdreû ine plèce ou on parc. Mais l'architec' et urbanis' Strebelle vout rifé li "Théatre de la Place", po spéré lès deûs plèces, come d'avant.

Po' li Grognon, i'm son.me qui ca fé des ånèyes qui çoula deûre, cis' agaillon là !

[Maisse Arsouye]

Oyi, gn'a dès anèyes qui çoula dure Faut sawè qui gn'aveûve là dès maujones èt one place, tot on quârtier. Mins on lès a distrut pace qui, qu'on dijeûve, èles èstén' trop vîyes ! Adon nos avans ieû on bia pârking' èt asteûre on trau.

I faut bén admète qui, avou çoulà, on wêt bén lès vîyès pîres qui nos végnenut dès Romins. Mins si c'èst po lès layi à l'plouf...

Mi, dji vèreûve bén ène place avou dès cabarèts, dès rèstaurants, dès botiques,... Aus bias djoû, on poreûve bwêre on cop ou mougnî on boket tot riwètans Moûse. Dji conè on cope di patrons d'rèstaurants qui s'vèreuve bén douviè vélà Eyèt au mitan dèl place, gn'aureûve on planchî d'vêre po vôy lès vîs mûrs di nos ratayons. Qui çoulà s'reûve bia !

Po lès vweteûre, on pout fé on tunèl pad'zos l'Citadèle. Et adon on n'areûve dandj qui d'one pitite voye po passer Sambe.

[Poyon]

Aouis, ça pous èsse bin. Tint qui ci n'èsse nin åssi måva qui l'archéoforum di Lîdje !

[Maisse Arsouye]

Gn'a sovint dès Liîdjwès qui m'dijenut :

Si lès Namurwès n'sont nén binauje d'yèsse li capitâle dèl Walonîye, on l'pout co mète à Lîdje.

A Nameûr, on l'sé bén qui si nos avant li Parlèmint, c'èst pace qu'on n'poleûve nén fé s'tchwès intrè Lîdje èt Châlèrwè Adon, on n'èst nén fwârt d'accord po s'layî scroter nosse Grognon.

[Poyon]

Bah, qui ci seût a Nameûr ni m'djin.ne nin.

[Maisse Arsouye]

Ca boudje !

http://www.lesoir.be/sites_sat/regions/Namur/page_5932_424357.shtml

Nos alans tot l'minme awè one saqwè d'bia su l'Grognon.