filosofie / fulosofeye

[Maisse Arsouye]

Dji voreûve bén c'minci on novia pordjèt su Wikipedia. Mins dji n'sé nén comint on l'sicrit è r'fondu, nén minme si gn'a d'dja on mot è r'fondu po philosophie.

I m'chone qui nos dijans filosofie. Mins à Lîdje, c'mint dijenut i ? filosofeye ? Adon, pitète qui nos faut scîre filosofeye ?

Dji n'vout nén sorwalonder, mins poqwè nén fulosofeye ? Gn'a brâmint dès walons mots awou nos avans on u là qui li francès a on i. Et nos riprindans l'Erasmrece accint qui dit u por y mågré qu'è novia grec c'èst i.

Qué pinsoz ?

[Pablo Saratxaga]

i gn a ddja "filozofeye" (eto: filozofe, filozofike) dins l' coridjrece; eyet "filolodjeye" dins l' esplicant motî.

Pol cawete "-eye" c' est normå (come djeyografeye, djeyometreye,...)

Eto, e rfondou (dins bråmint des sôres di Feller avou) li son "z" si screye avou "z" (i n' a måy on "s" inte deus voyales e rfondou; såf pol cawete di l' addjectif -eus => femrin -euse; eyet l' cawete do no "fijheu d' l' accion" -eu => femrin -euse; mins ôtrumint c' est "z": ene rôze, cåzer, fizik,...)

Pol betchete "filo-", ostant wårder l' lete "i"; c' est nén vormint on "mot francès", on l' ritrove dins tos les lingaedjes romans, et minme dins les lingaedjes tîxhons; tos les mots avou cisse betchete la si dvrén scrire parey, et i m' shonne ki "filo-" sereut l' pus spontanêymint eployî (et c' est dedja eployî insi; dj' a ddja veyou "filozofèye", "filozofîye").