Voir le sujet précédent :: Voir le sujet suivant |
Auteur |
Message |
vaudeville
Inscrit le: 26 Jul 2006 Messages: 3 Lieu: Aujau-Préle
|
écrit le Thursday 27 Jul 06, 10:21 |
|
|
Bondjou tertous!
Dji seus bén binauche di yièsse tcheu dins in "forum" avou ène miète di walon. Mi djè apris à causér li walon dissus ène sin.ne di téyâte, à l'âdge di onze ans. Pou dire li vré, a paurt m'grand-père qui causeut ène miète li walon (in mélandge di cia d'Aujau èyèt di Fleuru), dji n'aveut jamés ètindu s'lin.we là. C'èst-in bia bjou, adon qui manqueûve des djon.ne dins l'troupe "les djon.nes nerviens" qui dji m'seu rtrouvéye avou des ptits mouchons qui causeûve èyèt lijeuse èl walon (çu qui n'èst wêre aujîe pou coumincî).
Au djou d'audjourdû, çoula fé cénq ans qui dji seus dins l'troupe 'les nerviens" eyèt a pwène trwès ans qui dji seus-intrèye èmon lès adultes (pasquî lès djon.ne ont tché à l'euwe...). Dji seus-oblidjî d'intéprétér lès rôles pou des pus vîs qui mi (c'èst-à dire dès djon.nes prumêres di vingt , vingt-cénq ans) adon qui djé à pwène sèze ans. çoula vos sbare mins lès rôles di m'galant sont sovint djoué pa des omes qui quarante ans (l'âdge di m'popa...).
çu qui m'fé bran.mint dèl pwène, c'èst qui les djon.nes ni voulnut pus continuwer à causer come les pus vîs èyèt çu qui rouviyenut , c'èst qui l'patrimoine n'èst nin in djeu...çoulà dwèt continuwer di générâtion en générâtion...
Mi , dji vout bén aprinde li walon auzès pus djon.nes, mins vos compurdèz, li walon qui dji cause èst-in mélandge di Charlerwè èyèt Nameur...
Dj'èspère qui bran.mint dès djins , après awè lu çoula , compurdront qui l'avenir do walon dispind dès djon.nes...
Ni rouviyèz nén l'site internet do Cèrke Royal Dramatique di Préle.
http://nerviens.canalblog.com
Dernière édition par vaudeville le Thursday 27 Jul 06, 10:39; édité 1 fois |
|
|
|
|
Maisse Arsouye
Inscrit le: 10 Nov 2004 Messages: 2037 Lieu: Djiblou, Waloneye
|
écrit le Thursday 27 Jul 06, 10:33 |
|
|
Bondjoû vaudeville,
Bén seur qui vos ploz aprinde li walon au pus djonnes. Poqwè nén ? On machadje dijoz ? Nonna, li walon di vosse viladje ! Ou adon, gn'a qu'des machadje ttavau l'Waloniye.
Dji so d'Balausse, nén lon d'Aujô. Et mi walon etou est-st à mitan d'Nameur et d'Châlerwè (mins pus do costé d'Nameur). Et qwè, mi walon ni sreu qu'on machadje ? Nonna. Il est ossi bén qui les céns d'Châlerwè, Nameur, Lîdje ou Youtsiplout. Qué walon poréve aprinde à m'feye ? Li méns, li cia qui dj'a rçû di m'grand-mère.
Il n'vos faut awè pont d'djinne paski vosse walon n'est nén onk des trwês "grands" walons. |
|
|
|
|
Feintisti
Inscrit le: 09 Oct 2005 Messages: 1591 Lieu: Liège, Belgique
|
écrit le Thursday 27 Jul 06, 11:54 |
|
|
Bondjoû Vaudeville!
Dji so fwèrt ûreûs pace qui dji tuzéve qui dj' esteu li pus djon.ne dèl forom èt asteûre dji veu qui dj' a trové 'ne saquî pus djon.ne qui mi èt djåzant walon. Èt vos li djåzez mî qu' mi pace qui dji l'a kimincé a aprinde djusse cisse an.nêye (avou 'ne profèsseûr télefèye èt surtout sol Dègn' Teûle). I fåreut qu' i-n-åye pus' di djon.nes qui polèt djåzer li walon come nos.
Bon, châl, dj' a scrit è lidjwès, mins dji scris pus voltî è r'fondu pace qui turtos li polèt lére.
Èt po v' wêbe, dji n' pou nin aler d'sus... |
|
|
|
|
Psychedelik Barakî
Inscrit le: 06 Dec 2005 Messages: 458 Lieu: Djiblou, Wallifornie
|
écrit le Friday 28 Jul 06, 18:48 |
|
|
'Djoû vaudeville,
Ey hop, on djonne walondvizant di pus. On cmince a yesse branmint dzeu c' forum !
Raprinde el walon dzeu 'ne sinne di teyâte, kene tchance ! Dj' l' areu fé vraiymint voltî eto ! Et ça a l' êr di foirt bén roter !
Mi dj' l' a cmincî a vraiymint dvizer l' anêye passeye, ça s' raprind râde, adon audjoûrdu dji saye di l' raprinde a d' ôtes djonnes. På côps, ça rote !
Dins tos les cas, bénvnowe amon nos-ôtes |
|
|
|
|
Feintisti
Inscrit le: 09 Oct 2005 Messages: 1591 Lieu: Liège, Belgique
|
écrit le Friday 28 Jul 06, 19:08 |
|
|
C' est vraiy ki c' est ene tchance di fé l' teyåte e walon. Dj' end vou bén fé ossu! (e rfondou scrijhaedje) |
|
|
|
|
Psychedelik Barakî
Inscrit le: 06 Dec 2005 Messages: 458 Lieu: Djiblou, Wallifornie
|
écrit le Friday 28 Jul 06, 19:20 |
|
|
Siya, amon mi, a Schaerbeek (Schoerebeik, è brabançon ), gn a rén kî s' faxhe è walon |
|
|
|
|
Pablo Saratxaga
Inscrit le: 30 Jan 2006 Messages: 222 Lieu: A Rtene, etur Lidje et Vervî
|
écrit le Monday 31 Jul 06, 18:19 |
|
|
Bén binåjhe di vs lére vaudeville,
et dji voe ki vos estoz ene båshele; dj' endè co dobmint contin.
Dj' endè so d' ostant pus binåjhe paski, çou k' a fwait
li pus di toirt å lingaedje, ça a stî cwand on-z a fwait croere
åzès femes ki ça n' esteut nén bén del cåzer, ça fwait
k' i gn a-st avou des anêyes (dji direu 1930-1960); wice
ki dins les familes, on aclevéve todi les valets e walon,
mins les båsheles e francès; do côp, cwand ele ont crexhou
et divni mame a leu toû, ele ni polént pus transmete li
lingaedje a leus efants.
Et on l' voet co todi asteure (et vos l' voeyoz bén dins vosse
soce di teyåte) ki les omes sont pus nombreus k' les femes
a cåzer e walon (e publik pol moens).
C' est bén ki ça cmince a candjî; et k' on djoû les femes
åyexhe li plaece k' ele divrént aveur, ki c' est l' 50% del djin.
Et dji so foirt binåjhe avou ki vos åyîz avou l' idêye di
mete so pî ene waibe e walon.
C' est des djins come vos k' i fåt po raviker nosse lingaedje,
nosse patrimoenne, nos raecinêyes. |
|
|
|
|
vaudeville
Inscrit le: 26 Jul 2006 Messages: 3 Lieu: Aujau-Préle
|
écrit le Tuesday 01 Aug 06, 17:15 |
|
|
Oyi c'èst l'vré qui ça a stî ène tchance di raprinde èl walon dissus ène scin.ne di téyate...Dji n'sé nén min.me si dji n'aveut nin apris l'walon a c'momint là<si dji l'areut apris in djou.... |
|
|
|
|
|