I fè on pô mwèrt, châle !

[Maisse Arsouye]

Ene samwinne sins messaedje. Waye, c'est l'vray qui c'est lon. Mins gn'a des billinwes foroms qu'ènd ont co d'mwins'.

[vaudeville]

Oyi c'èst l'vré qui ça divnu lon di ratinde apès in messâdge...
djespère bén qui vos estéz tertous d'éne boune humeur...nén come li timps..."toudis del plouve", vola çu qui duvreut tchanter nosse brave William Dunker !

[Psychedelik Barakî]

Dj' a bén m' sô d' yesse toudi dzou l' plouve
Toudi dzou l' plouve, toudi dzou l' plouve

Croejhans les doets : audjoûrdu i plout mwins'...

[Maisse Arsouye]

Oyi, mwins'. Mins i plout quante-même.

[Psychedelik Barakî]

A Djiblou adon, paski droci, à Brussele, i n' plout pus dispu c' matén

Dji seus bén binåjhe : ça fjheut troes djoûs k' i plouveut !

[Psychedelik Barakî]

Tot rwêtant les ôtes bilinwes foroms, dji m' a dit insi k' on aveut cwand minme branmint d' messaedjes droci, la k' dzeu les ôtes, gn a souvint l' mitan des djins kî scrivnut è francès ! (Pou mander-st on ratournaedje, ene miete di croejhete, etc.) Mins vaici, gn a k' el Fredak k' a vraiymint dvizé è francès !

Nos plans yesse fîrs 8) (Cmint ça, "poucwè ?")

[Psychedelik Barakî]

Minga ti, kene ambiance !

Pou vs fé rîre, ene ptite flåwe :

Dins l' campagne bedje, gn aveut deûs cinses, ene di tchaeke costé del frontîre linwistike.
Ene walone poye, ki n' a rén a foute avou l' linwistike, a stî ponre on oû dins l' cinse flaminde. Adonpwis, ele ervént-st el Walonreye (100 metes pus long )
El walon cinsî wê çoula. I s' dit insi "Dji m' va daler rprinde em n-oû ! C' est-st EM poye ki l' a stî ponre, adon c' est l' min !"

I s' è va-st amon l' Flamind tot lyi djhant :
- Bondjoû vijhin, dj' vén rprinde em n-oû.
- Neie, onmogelijk, l' oû a stî pondou amon mi, c' est l'min !

Come el Flamind ni vout rén etinde, el walon tûza pou lyi minme dismetant dijh bounès munutes. I n' si vout nén leyî fé ! L' ideye arive !

- Vijhin, dji sais cmint c' ké ns dalans fé : on va s' bouchî on grand cop dins les coyons, el prumî ki brait o ki fé on brût, il a pierdou.
-... Allez, waarom niet...
- Tapoz donc 'ne pîce pou wêr ki c' ki cmince.
El flamind tape ene pîce. Ele tché dzeu l' costé face.

- Foirt bén, dijha l' Walon, dj' atake !
Eyet l' walon d' bouchî-st on grand côp dins les coyons d' l' ôte. Mins l' Flamind, i n' brait nén, i dmeure dzeu ses pîs, il est foirt brave : i vout s' n-oû !
Apres 'ne boune dmeye eure, i parvént a dvizer : Goed ! Nu ikke ! Asteure, dji bouche !
Ey el Walon "Ça va daler, savoz, l' poloz wårder, vosse n-oû !"



Ben mi, ça m' fé rîre !

[Poyon]

Hé ! hé ! Qu'èst qu'on walon ni f'reût nin po' pitér d'vin lès coyons d'on flamin !

[Psychedelik Barakî]

I fé toudi moirt, esperans k' avou les ôtes lingaedjes ça s' va dispierter 'ne miete

[Maisse Arsouye]

Oyi ! Nos l'polans esperer.

[Lèrin]

Il faudrait faire de la pub dans d'autres forums wallons pour animer un peu celui-ci.

[Maisse Arsouye]

Li rujhe, vèyoz, c'est qu'les ôtes foroms è walon n'vont nén mea.

[Psychedelik Barakî]

Dji n' cnixhe fok ké troes walons foroms : Ci cial (Babel), Berdelaedjes eyet Li walon d'èmon nos-ôtes... Is sont tos les troes 'ne miete moirts pou l' moumint...
Cwè fé ? Sacwants côps, ene djin o l' ôte scrît-st on årtike, mins gn a nolu kî respondaxhe... 'Fin... Nén assez...

I les fåreut mete dzeu des sites foirt rwêtous... Pou k' les ôtes walons wêynuxh k' on egzistêye...

[Maisse Arsouye]

Mi, dji pinse ki faureû tûzer à bouter echone.

Li Grand-Plaece : li walon dins les langaedjes d'oyi, linwistike
Berdelaedjes : pus politike
Li Walon d'emon nos-tôte : pus po causer d'tot

[Poyon]

Min.me si on s'èst drovert à dtes lingwadje, ci n'èst nin fwèrt très vikant châle. Adon, c'èst' di m'faute avou !'