Qual occitan parles ?

[Hiruma]

[Lou caga-blea]

Chau a toi!

Per lo provençau marìtimo (ensin diem nautres, a Nissa! E nen plas pas tròup, d'ordinari, audir dire que parlam provençau; alora mèfi! ), la sieu frontiera orientala es lo flume Var: la riba seneca, d'efiech, es lo principi dau territòri dau nissart; e lo varès es tradicionalament classificat coma provençau maritime. Per la frontiera setentrionala dau marìtimo, sieu plus pauc segur: tòca sensa dubi lo rodanenc, ma bessai tantben lo gavoòt? Quauqun lo nen pòu dire?
Lu trachs tipics dau provençau marìtimo son, mi sembla, l'article e, se m'engani pas, l'acòrdi de l'adjectiu. Per lo resta, li trovam trachs intermediari entre lo provençau rodanenc ò lo lengadocian e lo nissart, coma lo si pòu asperar.

[Lou caga-blea]

Per l'estòria de sempre/totjorn, bessai es util de ramentar que sempre es una forma ben atestada dins la lenga vielha; a resistit foarça ben en provençau maritime e en nissart (mas bessai finda en Gasconha? Soventi fes, lu arcaismes si conservon plus ben dins li zònas "periferiqui" d'un espaci linguistic), meme se si usa tantben la forma totjorn.

[Hiruma]

Caga-blea, mercés per aver escrich ! Si vei que m'as completament capit !
Lei diferencias dau maritim, son mai grandas que ço que diguères per aquò n'en vau far un subject dins lo forum per explicar coma fonciona ma varianta.

As tamben ben explicat la situacien geografica dau maritim !

Encar mercés.

[Nikura]

Eira lo sondatge es fach... Se volètz estatistiques emb los sièis grans dialectes... aranés+gascon = ?%

Çò que m'interessa perèu es veire se trovèm gent d'aquèlas regions.

[ficelon]

Ieu som de Tolosa e parli le lengadocian, ço qu' es le mai proche de l'occitan "estandard" ça disan ... mes quan m'en vau a Sent Guirons que parli eth gascon dera montanha qu'ei plan different d'eth lengadocian!!

Los dus dialectis m'agradan força e pensi pas qu'un siague mai "occitan" que l'autre.

Mes de segur es plan dificile de comuniquar ambe de personas que parlan de dialectis autant differents coma lo gascon e lo gavot o l'auvernhat per exemple, alavetz cal armonisar (e pas uniformisar) las grafias en une mena d'occitan estandard coma l'an fait totas las autras lengas (frances, catalan, arabe etc....)

[Hiruma]

Fin-finala, una persona que pensa coma ieu...

Lo lengadocian ficelon, es la fòrma la mai pròchi de l'occitan de l'iatgi-mejan, es pas un occitan estandard, es un dialect de le lenga occitana, coma lo provençau, lo gascon, etc.

P.S. : Ti pòs anar presentar se vòs

[brennos]

En Prouvenco, i a lou maritim e lou prouvencau dou Rose (aqueu es la lengo de Mistrau). Lou maritim es un parla prouvencau, lou mai impourtant geograficament. En prouvencau se pouo usa "sempre" tamben.

[Hiruma]

Utilises la grafio mistralenco, parles roudanen, siés de Prouvènço, brennos ?

[Nikura]

Brennos es de Marsiho non?

[caesar]

Bòn sera!
Ieu som de Ais de Provença e parlo un pau lo provençau roudanen. Maï per escritar, utilisi la grafia mistralenca.
Ai apprendat la lenga amb las sitas Internet en provençau despuòi dos ans

Piensatz vosautres que escriti bèn occitan?

Ai benlèu fau de "fautas de ortografia" si comprenetz acò (conosqui pas lou ben mot..)
Vau escritar amb la grafia mistralenca, es maï facil per ieu.

[Hiruma]

[caesar]

gramaci Hiruma! Es perque ai regarda aquesteis mòt dins un dictiounari automatic! lol
Adessias!

[Hiruma]

De ren, es ben nourmau de s'entre-ajuda, nani ?

[brennos]

sou de Peitiau, mai ai viscu a z-Ais.