A prepaus de /r/

[Lou caga-blea]

Quor'ai liejut la presentacion donada per l'Aspremontan dau /r/ especial de la region de Menton, vi volíi demandar com'es caracterisat l'/r/ dau voastre parlar.
En ieu m'an soventi fès fach aremarcar qu'avía una /r/ foárça rasclada en francès (es clar sobretot en finala de mòt). Es qu'en nissart /r/ es un fonema dau rèire. Coma si di au voástre?

[macassiu]

A Tolosa e dins Avairon es una /R/ .Rotlada donc...

[Keko_dc]

Sabe qu'en Auvèrnhe tota es uvulara (es una influéncia francesa).

[L'Aspremuntan]

Grafia funetica-italianna , vi duni li astüssii per mi liege : "u" = [u] = "ou" fransès ; "ü" = [y] = "u" fransès ; "ci" e "ce" = [tch] ; "j" = [j] = "lh" uccitan ; "œ" = [œ] ; "ch" o "q" = [k] ; "^" o "¨" = m'en siervi per marcâ l'accente.

En la Cuntea de Nissa , si trovu 3 /r/ .
Lu /r/ si realisa [R] , üvülari dunca , en tuta la banda marîtima : de Nissa fin a Mentan , ma tamben a Brej , e en Val Roya fin a A Briga (La Briga per lü nissarte) . En tui lü autrü lœc de la Cuntea , si di [r] . E aqestu [r] si di meme en li cuali de Nissa : a San-Ruman-de Bellete , a 5 km dou sentre de la villa , si fa vibrâ lü "r" .
L'Est de la Cuntea a ün segunte /r/ , lu [ř] , che remplassa lü -R- e lü -L- latin . "r" post-alvéolaire , cuma si di , nautre dien "r deble" .

A Nissa , la sitüassiun es ün pau spessiala . En lü testu de Rancher (1823-1840) , alura ch'aqeu nun marcava li dubli cunsoni , scrivïa lü dui "-ss-" , ben sügür , e tamben lü "-rr-" . Bessai che li es 200 an , a Nissa , li eru tamben dui "r" : ün franses , e l'autre talian , o ün [ř] , o meme lu [r] "giapunès" dei Pruvensale . E hai remarcat che lü viej nissarte , de cou , marcavu lü dui -rr- en fursan subre : [aRRRRanka] per dire arrancâ .
Hai remarcat tamben che dai viej , lu [R] nissarte es giamai düre , nun sabi s'es l'accente , ma es mai lu [R] d'Edith Piaf , ch'ün [R] dür'a la fransesa .

E dau vuastre ?

[Hiruma]

se vòs saupre coma si prononcián lei r en maritim, pòs legir lo subject qu'ai fach dins lo forum occitan.

[Nikura]

En occitan de Briançon, l'R se pòt prononçar /R/ o perèu /r/.
/R/ se dis en posicion iniciala o aprés una consona. Es un /R/ uvular. Se non, se dis /r/. En posicion finau, no se dis totjort.

[Lou caga-blea]

En efiech, la /r/ nissarda es uvularia, ma mi sembra, en fonetica, mai rasclada qu'aquela dau francès estandard, finda ela uvularia. Qué nen diètz?

[Nikura]

Que vòr dire "finda ela uvularia" ?

Vèio pas çò que pòt estre "finda ela". Normalment, compréno ben lo niçart (escrich pèrque orau, l'au pas jamai auvit), mas aquò... vèio pas.

[Geremi]

"Finda ela" s'acapisse couma "ela tamben". 8)

[ramon]

Si j'ai bien compris, à rapprocher de la locution catalane "fins i tot" ?

[Lou caga-blea]

Sabi pas tròup l'etimología de niç. finda. Es un adverbi de meme senso que tanben, ma emb'una sintassi un pauc diferenta: si plaça avant lo pronom (finda tu: "toi aussi"), quora tanben si mete après (tu tanben).
Fins a = "jusqu'à".
Quauqu'un nen saup mai?

[Bastian]

Finda ieu mi demandi de dont ven aquest mòt.

[Keko_dc]

Fins i tot es "e mai" o de còps "quitament".