Est-ce que l'occitan est bien vivant aujourd'hui?

[Nikura]

Diso pas que l'Auvèrnhe es pas rurala... mas i a ben de regions occitanas que lo son.
Per l'Auvèrnhe, la zòna de Clarmont (e dinc a St-Esteve) es ben urbanizaa per exemple...

D'autres zònas ruralas... l'Aveiron e tot lo n-aut Lengadòc en general (Losèra, Tarn, Olt...), lo Lemosin, la n-auta Provença e lo n-aut país niçard, la Gavotina, e plus luènh, las Lanas... Tot çò qu'en geografiá francesa apèlan la "diagonale du vide" es la zòna rurala dòu país. I a l'Auvèrnhe dedins mas pas soncament, e per lo Sud, aquèla diagonala es ben ampla. D'eicí dire onte es la zòna plus rurala me sembla desporvist d'interest.

[Keko_dc]

Bon, lo cas de l'auvernhat z-es franc espinós. En realitat, sei pas segur que poscam parlar d'un dialècte auvernhat. Enquèra qu'i màs parle de shud-auvernhat, crese qu'i a pro de diferénshias entremèi lo nòrd-auvernhat e lo shud-auvernhat coma per los considerar i-un mèime dialècte...
E la lhinga de vès Clarmont z-es bien ben diferenta d'aquela de vèrs Suire, per exemple.

[Keko_dc]

Vènhe de retrobar 'quèla enquèsta, mes *m'ai rendut compte que *m'aviá agorat bei lo %...

Jaquí lo liame; http://www.ifop.com/europe/docs/Presentation14502.ppt

*'Quò-ei pas que m'aja agorat e qu' aja conjugat lo passat compausat bei l'aver per influéncia dau catalan. L'auvernhat nonmàs utiliza lo l-èsser coma auxiliar quan 'quò s'agís d'un vèrbe de movement, domentre que los pronominaus se conjugan bei l'avèdre.

[Nikura]

Visiblement, se considerèm pas la Val d'Aran e las "Valadas", es certament lo Cantal onte l'occitan se parla encara melhor. D'eicí a dire qu'es eilai ont òm lo parla melhor non (pèrque l'i a dequò de regions coma lo Bearn per exemple), mas sembla que s'i parli encara ben.

Es probable qu'aprés la conquesta romana de la Galiá, las lengas dòus Galeses s'an parlat encara sus ben de sècles, benlèu dinc mai tard qu'òm lo crèi... E iéu siéu segur que l'Auvèrnhe coma las Aups e en general tòtas las zònas de montanha, an estat de las zònas mai tardivas en perdre l'usatge de las lengas ancianas per lo derivat dòu latin vulgar que sariéu plus tard lo dialecte occitan local. Aquò me rapèla quauqua-ren... mas es plus lo latin senon lo francés.

[gatesquiro]

Adixatz a tots

Que demorei en provença, en langadoc e desempuish quauquas annadas dens eras Pireneas (Bigorra). Entà jo (per ieu), dens era montanha que parlam era lenga nosta. Tot eths vielhs que la parlan (quan van eth marcat tanben) mes qu'esto hèra suspres pr'amor eths joen la parlan tanben : entà anar ara cassa, enta eth tribalh agricòle .
Non coneishi pas tròp era Auvernha, mes en lengadoc e Provença n'ei pas jamei vist aquo : qu'ei tostemps cercar monde entà parlar quan demorei en lengadoc e provença. Esto hèra mauaisit. N' i aveva pas sonque qu'eths vielhs e pas tròp de monde.

Era situacion qu'a cambiat dens era plan : A Tarbes o Pau que i a hèra mens de monde que parla gascon.

Per contra non soi pas segur qu'eths aqueths joens van parlar gascon dab eths lors mainats (dròles).

Jo que parli gascon e drin lengadocian e tanben provencau dab eths mens. Qu'an cors de gascon ara escòla (1 ora per setmana) e ath colegi (2 h per setmana).

Ronan

[Lou nissart dóu nord]

ço qu'es segur es qu'es pas a Marselha que si parla occitan de pertot : tot lo monde utilisa de longa de paraula derivadi de la lenga nostra, toti li barri si sonon de biais occitani, ma i a pas degun que parla la lenga !
Aqui ai ausit une frasa occitana une soleta fes (levat de l'ostau dau pais marselhes), un proverbi de quatre paraula :-)

[Hiruma]

Segur qu'a Marsilha si parla pas occitan de pertot e qu'auviras degun parlar la lenga nòstra dins la carriera mai significa pas que degun saup parlar la lenga, ieu siáu marsilhés e n'en conoissi de gent que saup parlar provençau... Fau pas tot mesclar

[Lutz]

[Lou nissart dóu nord]

Segur, ma sinhifica que l'occitan i es pas consirat coma une lenga vertadiera. Sonque es una opcion del bac, o lo biais d'escriure tres paraula sus una ostaleta de chichis e panisses.
Una lenga es gaireben morta se finda aquel que saup la parlar l'utilisa pas...

[Hiruma]

T'enganes, s'unei personas parlon pas la lenga es tot simplament perqué sabon pas emé cu la parlar... Es diferent !! Coma ti va diguèri, fau pas tot mesclar E per ieu la lenga es mòrta quand la gent l'apara pas... Per qué saupre parlar la lenga, es un biais de la sauvar, apres, de pas la parlar, es una autra cava

[gatesquiro]

Adixatz a tots

non cau pas creger qu'era nosta lenga ei morta ! Aquesta dissapte, ath marcat (que sòi un paisan que tien un tauler) qu'ei parlat sovent en gascon dab amics e tanben eths mies clients. Puish qu'ei entenut hèra de monda parla (mès de vielhs que de joens, qu'ei segur).

Que cau gardar eth morau !

Gat-esquiro

[DeProvençaNauta]

Adieu en totes,

de còp que l'a, que basta de mandar una paraula occitana dins un achamp e de descurbir ambe sospresa que quauqun vos respoand.
Verai que les occitans en generau gauson pas de parlar en public sa lenga mai ieu creso qu'en fach, l'a mai de monde que sabon parlar que çò que podem creire (mume en Provença!).

[Hiruma]

Siáu d'acòrdi emé tu ! Coma v'ai ja dich una vegada, emai se la gent parle pas dins la carriera a Marsilha, sinhifica pas que saup pas parlar la lenga !