Le Prénçot : Çheù ol ét

Çheù ol ét, pr màe, le mae bea ét le mae amorni paesajhe dau munde. Ol ét le ménme paesajhe que quaulae de la pajhe d’avant, mé i le rimajhi core ine fés pr bén vous le boutràe. Ol ét lae que le prénçot boutit su tiare, pi visibllit.


Argardéz atentement quou paesajhe pr étre surs de l’acounétre, si ve véyajhéz in jhor en Afrique, den le désart. Pi, si o vous arive de passàe pr lae, i vous besele, cunposéz-vous, atenéz in petit jhusce sou l’étéle ! Si aloure in draule vént a vous, si le jhoblline, si l’at lés piàus d’aur, si le répoune poet quoure que l’ét quesciounai, ve devineréz bén qui qu’ol ét. Aloure séjhéz megnuns ! Me laechéz poet télement amorni : grafounéz-mou vite que l’at tornai…